25

بچی سے زیادتی اورقتل کےمجرموں کو2،2بارسزائے موت

اسلام آباد کی مقامی عدالت نے11 سالہ بچی سے زیادتی اورقتل کے مجرموں کو2،2مرتبہ موت کی سزا سنادی۔
اسلام آباد میں جینڈر بیسڈ وائلنس عدالت کے ایڈیشنل سیشن جج ہمایوں دلاورنے 11 سالہ بچی سے زیادتی اورقتل کیس کا 23 صفحات پرمشتمل فیصلہ جاری کردیا۔
عدالت نے قتل اورزیادتی کے 3 مجرموں سید حماد نقوی،شاہ سہوار،محمد خورشید کو2،2 مرتبہ سزائے موت کا حکم دیا۔جنڈر بیسڈ وائلنس عدالت کے ایڈیشنل سیشن جج ہمایوں دلاور نے 23 صفحات کا فیصلہ جاری کیا۔
اسلام آباد کے علاقے بری امام میں ستمبر2020 میں تین مجرموں نے 11 سالہ بچی کوزیادتی کا نشانہ بنانے کے بعد قتل کردیا تھا۔عدالت نے جرم ثابت ہونے پرمجرموں کو 2،2 مرتبہ سزائے موت اورایک ایک سال قید کی سزا سنائی۔تینوں مجرموں پردو لاکھ دس ہزارروپے جرمانہ بھی عائد کیا گیا۔

اس خبر پر اپنی رائے کا اظہار کریں

اپنا تبصرہ بھیجیں