14

حکومت الیکشن کمیشن کو جیب کی گھڑی اور ہاتھ کی چھڑی بنانا چاہتی ہے: سراج الحق

امیر جماعت اسلامی سراج الحق نے حکومت پر سخت تنقید کرتے ہوئے الزام عائد کیا ہے کہ وہ الیکشن کمیشن کو اپنی جیب کی گھڑی اور ہاتھ کی چھڑی بنانا چاہتی ہے۔
سراج الحق کی جانب سے جاری بیان میں کہا گیا ہے کہ حکومت کی الیکشن کمیشن پر چڑھائی سیاسی تاریخ میں انوکھا واقعہ ہے۔ حکومت چاہتی ہے کہ عدلیہ الیکشن کمیشن کو کنٹرول کرے۔

انہوں نے کہا کہ الیکشن کمیشن اور اپوزیشن جماعتوں نے ووٹنگ مشین کو مسترد کرکے حکومت کا قبل ازوقت دھاندلی کا منصوبہ بے نقاب کر دیا۔ حکومت کی ظالمانہ پالیسیوں نے عوام کے دن کا چین اور رات کا سکون چھین لیا ہے۔

ان کا کہنا تھا کہ حکومت فوری طور پر اوورسیز پاکستانیوں کی مشکلات کو کم کرنے کے لیے ان کی وطن واپسی کا موثر انتظام کرے۔

امیر جماعت اسلامی کا کہنا تھا کہ حقیقی، اسلامی اور فلاحی پاکستان کے لیے جماعت اسلامی اپوزیشن کا بھرپور کردار ادا کر رہی ہے۔ مہنگائی کے سونامی کی وجہ سے عوام کا سانس لینا مشکل ہو گیا ہے۔

اس خبر پر اپنی رائے کا اظہار کریں

اپنا تبصرہ بھیجیں