28

خیبر پختون خوا کے بعد لاہور میں بھی پولیس فورس کی نگرانی میں پولیو مہم ،کرک میں حفاظت پر مامور پولیس اہلکار جاں بحق

خیبر پختون خوا کے ضلع کرک میں انسدادِ پولیو ٹیم پر حملہ کیا گیا ہے، موٹر سائیکل سواروں نے فائرنگ کر دی جس کے نتیجے میں انسدادِ پولیو ٹیم کی حفاظت پر مامور پولیس اہلکار جاں بحق ہو گیا۔
خیبر پختون خوا کے بعد لاہور میں بھی پولیس فورس کی نگرانی میں پولیو مہم کا اغاز کر دیا گیا.تاکہ کوئی بھی ناخوشگوار واقعہ نہ ہو-
کرک پولیس کے مطابق انسدادِ پولیو ٹیم کی حفاظت پر مامور پولیس اہلکار پر فائرنگ کر کے موٹر سائیکل سوار ملزمان باآسانی فرار ہو گئے۔

فائرنگ سے پولیس اہل کار کے جاں بحق ہونے کے بعد کرک کے علاقے لتمبر میں انسدادِ پولیو مہم عارضی طور پر روک دی گئی ہے۔
کرک پولیس کا یہ بھی کہنا ہے کہ انسدادِ پولیو ٹیم علاقے میں بچوں کو پولیو سے بچاؤ کے قطرے پلا رہی تھی کہ ان پر نامعلوم ملزمان کی جانب سے حملہ کیا گیا۔

اس خبر پر اپنی رائے کا اظہار کریں

اپنا تبصرہ بھیجیں