8

سرفراز احمد کو بیٹے نے بولڈ کردیا

قومی کرکٹ ٹیم کے سابق کپتان سرفراز احمد کو بیٹے عبداللّٰہ نے کلین بولڈ کردیا۔

مائیکرو بلاگنگ ویب سائٹ ٹوئٹر پر ایک ویڈیو گردش کررہی ہے جس میں دیکھا جاسکتا ہے کہ سرفراز احمد کا بیٹا اللّٰہ ان کو گیند کرواتا ہے، جس کو سابق کپتان کھیل نہیں پاتے اور بولڈ ہوجاتے ہیں۔

سوشل میڈیا پر وائرل ہونے والی ویڈیو میں بولڈ ہونے کے بعد سرفراز احمد مسکراتے ہوئے نظر آ رہے ہیں۔

سرفراز احمد کو بیٹے کی جانب سے آؤٹ کرنے کی ویڈیو سوشل میڈیا پر بہت وائرل ہورہی ہے، انڈین میڈیا بھی اس ویڈیو کو کوریج دے رہا ہے۔

خیال رہے کہ سرفراز احمد نے ایک انٹرویومیں کہا تھا کہ میں نہیں چاہتا کہ عبداللّٰہ کرکٹ کو بطور پیشہ اپنائے۔

سرفراز احمد نے کہا تھا کہ عبداللّٰہ کرکٹ کھیلنے کا بہت شوقین ہے لیکن میں نہیں چاہتا کہ وہ کرکٹر بنے۔

انہوں نے یہ بھی کہا تھا کہ بطور کرکٹر میں نے بہت سی چیزیں برداشت کی ہیں، میں نہیں چاہتا کہ عبداللّٰہ کو بھی ان چیزوں کا سامنا کرنا پڑے۔

واضح رہے کہ پاکستان نے سرفراز احمد کی قیادت میں بھارت کو چیمپئن ٹرافی کے فائنل میں شکست دی تھی، سابق کپتان نے پاکستان کے لیے 49 ٹیسٹ، 117 ون ڈے اور 61 ٹی ٹوئنٹی میچز کھیلے ہیں۔

اس خبر پر اپنی رائے کا اظہار کریں

اپنا تبصرہ بھیجیں