22

صحافی کے سوال پر چوہدری پرویز الہٰی کا جواب

اسپیکر پنجاب اسمبلی چوہدری پرویز الہٰی نے سپریم کورٹ کے فیصلے پر ردعمل دیتے ہوئے کہا کہ یہ جہوریت اور انصاف کی بھی جیت ہے۔

صحافی نے اسپیکر پنجاب اسمبلی سے سوال کیا کہ کیا آپ کو یقین ہے کہ 22 جولائی کو وزیراعلیٰ بن جائیں گے۔

جس کا جواب دیتے ہوئے پرویز الہٰی نے کہا کہ انشااللّٰہ فری اینڈ فیئر الیکشن کی توقع ہے۔

واضح رہے کہ سپریم کورٹ لاہور رجسٹری میں کیس کی سماعت کے دوران چیف جسٹس عمر عطا بندیال کا کہنا تھا کہ وزیراعلیٰ پنجاب کا دوبارہ انتخاب 22 جولائی کو ہوگا۔

چیف جسٹس پاکستان عمر عطا بندیال کا کہنا تھا کہ حمزہ کے لیے قائم مقام وزیر اعلیٰ کا لفظ استعمال نہیں کریں گے، ایسے الفاظ استعمال کریں گے جو دونوں فریقین کو قابل قبول ہوں گے۔

چیف جسٹس نے کہا کہ عدالت پر باتیں کرنا بہت آسان ہے، ججز جواب نہیں دے سکتے، حکومتی بنچز کو اپوزیشن کا احترام کرنا ہوگا، قومی اسمبلی میں اپوزیشن نہ ہونے سے بہت نقصان ہوا ہے۔

اس خبر پر اپنی رائے کا اظہار کریں

اپنا تبصرہ بھیجیں