25

محکمہ ایکسائزکی موبائل پر فائرنگ ،2اہلکارشہید

ڈیرہ اسماعیل خان کے علاقہ درابن میں ایکسائز اینڈ ٹیکسیشن کی موبائل گاڑی پر نامعلوم موٹرسائیکل سوارحملہ آوروں کی فائرنگ سے ڈیوٹی پر موجود2اہلکارشہید ہو گئے۔
معلوم ہواہے کہ افطاری کے بعد درابن کے علاقے میں محکمہ ایکسائزوٹیکسیشن کی موبائل گاڑی سڑک پر گاڑیوں کی روٹین چیک اپ کے لئے موجودتھی کہ اسی اثناء میں موٹرسائیکل پر سوارمسلح افراد نے موبائل پر اندھادھند فائرنگ کردی جسکے نتیجےمیں سب انسپکٹروسیم اوراسسٹنٹ سب انسپکٹررخسارشہید ہوگئے۔
حملہ آورفائرنگ کے واقعہ کے بعد فرارہوگئے۔
واقعہ کے بعد مقامی پولیس نے علاقے کو گھیرے میں لے کرسرچ آپریشن شروع کردیا ہے۔

اس خبر پر اپنی رائے کا اظہار کریں

اپنا تبصرہ بھیجیں