25

ٹیسٹ چیمپئن شپ؛ شاہین اور بمرا کے درمیان کانٹے کا مقابلہ

ٹیسٹ چیمپئن شپ میں شاہین شاہ آفریدی اور جسپریت بمرا کے درمیان کانٹے کا مقابلہ جاری ہے۔
آئی سی سی ٹیسٹ چیمپئن شپ میں بولرز بھی وکٹوں کی دوڑ میں ایک دوسرے پر سبقت حاصل کرنے کیلیے کوشاں ہیں، اب تک پاکستانی اسپیڈ اسٹار شاہین شاہ آفریدی اور بھارتی بولر جسپریت بمرا کے درمیان کانٹے کا مقابلہ دیکھنے کو مل رہا ہے، بمرا نیتاحال رواں دورانیے میں 40 وکٹیں حاصل کی ہیں وہ فی الحال ٹاپ پوزیشن سنبھالے ہوئے ہیں۔
شاہین شاہ آفریدی بھی ان سے زیادہ پیچھینہیں ہیں، انھوں نے 37 وکٹیں حاصل کی ہیں، نئے سیزن میں دونوں بولرز کے درمیان وکٹوں کی جنگ مزید شدت اختیار کرسکتی ہے، آسٹریلیا کے کپتان اور ٹیسٹ بولرز رینکنگ میں ٹاپ پرموجود پیٹ کمنز کا اس فہرست میں تیسرا نمبر ہے،انھوں نے اب تک 33کھلاڑیوں کو آؤٹ کیا،انگلینڈ کے اولی روبنسن نے ٹیسٹ چیمپئن شپ میں تاحال 32 وکٹیں لی ہیں۔
جنوبی افریقہ کے کاگیسو ربادا اور بھارتی محمد شمی نے 30، 30 بیٹرز کو پویلین بھیجا، دونوں بالترتیب پانچویں اور چھٹے نمبر پر موجود ہیں, ٹاپ 6 پوزیشنز پر فاسٹ بولرز کی حکمرانی ہے، بھارت کے اسپنر روی چندرن ایشون ساتویں نمبر پر موجود ہیں، انھوں نے 29 وکٹیں لیں، جنوبی افریقہ کے نوجوان بولر میلان جانسین نے 28 کھلاڑیوںں کو آؤٹ کیا۔
آسٹریلوی اسپنر ناتھن لائن کے بھی اب تک 28 شکار ہیں تاہم ان کا نواں نمبر ہے,،دسویں نمبر پر آسٹریلیا کے فاسٹ بولر مچل اسٹارک 27 شکار کے ساتھ موجود ہیں۔

اس خبر پر اپنی رائے کا اظہار کریں

اپنا تبصرہ بھیجیں