23

ٹی 20ورلڈ کپ:نیوزی لینڈ نے سکاٹ لینڈ کو16رنز سے شکست دیدی

ٹی 20ورلڈ کپ کے 32ویں میچ میں نیوزی لینڈ نے سکاٹ لینڈکو 16رنز سے شکست دے دی ہے۔

دبئی انٹرنیشنل کرکٹ سٹیڈیم میں میگا ایونٹ کے گروپ 2 کا میچ کھیلا گیا جس میں سکاٹ لینڈ نے ٹاس جیت کر پہلے فیلڈنگ کا فیصلہ کیا تھا۔

نیوزی لینڈ اننگز

کیویز نے پہلے بیٹنگ کرتے ہوئے 5وکٹوں کے نقصان پر 172رنز بنائے،اوپنر مارٹن گپٹل نے طوفانی اننگز کھیلتے ہوئے 7چھکوں اور 4چوکوں کی مدد سے 56گیندوں پر 93رنز بنائے جبکہ گلین فلپس 33سکور بناکر نمایاں بیٹر رہے،براڈ وہیل اور سفیان شریف نے 2،2کھلاڑیوں کو پویلین کی راہ دکھائی۔

سکاٹ لینڈ اننگز

173رنز ہدف کے تعاقب میں سکاٹ لینڈ کی ٹیم نے خوب مقابلہ کیا مگر قسمت نے ان کا ساتھ نہ دیا اور5وکٹوں کے نقصان پر مقررہ 20اوورز میں 156رنزبناسکی ،میتھیو کراس نے 27،جارج منسے22،رچی بیرنگٹن20رنز بناکر آؤٹ ہوئے جبکہ مائیکل لیسک سب سے زیادہ 42رنز بناکر ناٹ آؤٹ رہے۔

نیوزی لینڈ کی جانب سے ٹرینٹ بولٹ اور ایش سوڈھی نے 2،2کھلاڑیوں کو پویلین کی راہ دکھائی۔

اس خبر پر اپنی رائے کا اظہار کریں

اپنا تبصرہ بھیجیں