پاکستانی طالب علم نے اے سی سی اے کے امتحان میں سب سے زیادہ نمبر حاصل کر لیے
ACCA (ایسوسی ایشن آف چارٹرڈ سرٹیفائیڈ اکاؤنٹنٹس) نے دسمبر 2022 میں اپنے امتحانات دینے والے طلباء کی نتائج کا اعلان کیا ہے جس کے مطابقلاہور پاکستان سے تعلق رکھنے والے حذیفہ جمیل اے سی سی اے کے فنانشل رپورٹنگ (FM)کے مضمون میں دنیا بھر میں سب سے زیادہ نمبر حاصل کرکے عالمی ایوارڈکیلئے نامزد ہوئے ہیں۔ اے سی سی اے کے تحت منعقد کیے جانے والے اس امتحانمیں دنیا بھر سے 107,142 طلباء شریک ہوئے۔
اس شاندار کامیابی کے بارے میں بات کرتے ہوئے اے سی سی اے کیمینیجر برائے ایشیا پیسفک راشد خان نے کہاکہ”طالبعلمحذیفہ جمیل کی شاندارکامیابی ہمارے ملک کے باصلاحیت نوجوانوں کے لیے مشعل راہ ہے۔ اس کی کامیابی سے یہ بات پتہ چلتی ہے کہ اگر پاکستانیوں کو مناسب مواقع اور پلیٹ فارم فراہم کیا جائے تو وہ عالمی سطح پر بہترین کارکردگی کا مظاہرہ کرنے کی صلاحیت رکھتے ہیں “۔
حذیفہ نے اپنی کامیابی کا سہرا سخت محنت اور استقامت کوقرار دیا ہے اورکہا ہے کہ وہ اپنے ادارے SKANS سکول آف اکاؤنٹنسی کے اساتذہ اور اپنے والدین کا بھی شکریہ اداکرنا چاہتا ہوں جن کی محنت اور دعاوں سے مجھے یہ کامیابی حاصل ہوئی ہے۔حذیفہ کو یہ اعزازبھی حاصل ہے کہ وہ ایک ہونہار طالبعلم ہونے کے ساتھ ساتھ حافظ قرآن بھی ہے اور وہ مستقبل میں آڈیٹنگ کیریئر شروع کرناچاہتا ہے۔حذیفہ نے اپنی مسلسل امتحانی کارکردگی سے اپنے لیے ایک اعلیٰ مقام حاصل کر لیا ہے اوروہ اپنے بقیہ امتحانات میں بھی اپنی اس کامیابی کو برقرار رکھنے کے لیے پرعزم ہے تاکہ وہ مستقبل میں ایک کامیاب کیریئر بنانے کے ساتھ ساتھ اپنے خاندان اور ملککانام روشن کرسکے۔
اے سی سی اے 178 ممالک اور خطوں میں مقیم 241,000 اراکین اور 542,000 مستقبل کے اراکین کے ساتھ پیشہ ور اکاؤنٹنٹس کے لیے دنیا کی صف اول کی باڈی ہے اور اسی وجہ سے اے سی سی اے کی اہلیت کو دنیا بھر میں بہت زیادہ اہمیت دی جاتی ہے اور اسے بڑے پیمانے پر تسلیم کیا جاتا ہے۔ اے سی سی اے ان مہارتوں اور قابلیتوں کی سختی سے جانچ کرتی ہے جن کی ایک جدید اکاؤنٹنٹ کو ضرورت ہوتی ہے۔
