33

کنٹونمنٹ بورڈ انتخابات، پولنگ کا وقت ختم، نتائج کا سلسلہ بھی آنا شروع

کنٹونمنٹ بورڈز میں بلدیاتی الیکشن کے لیے پولنگ کا وقت ختم ہوگیا ہے، جس کے ساتھ ہی ووٹوں کی گنتی بھی شروع ہوگئی، اور غیر حتمی و غیر سرکاری نتائج کا سلسلہ بھی آنا شروع ہوگیا ہے۔

کنٹونمنٹ بورڈز بلدیاتی الیکشن کا پہلا غیر حتمی غیرسرکاری نتیجہ سامنے آگیا والٹن کنٹونمنٹ بورڈ وراڈ نمبر 2 کے پولنگ اسٹیشن نمبر 86 کے غیر سرکاری نتیجے کے مطابق پی ٹی آئی کے چوہدری صیام 125 ووٹ لے کر آگے جبکہ مسلم لیگ ن کے قاری محمد حنیف 75 ووٹ لے کر دوسرے نمبر پر موجود ہیں۔

بنوں میں کنٹونمنٹ بورڈ وارڈ کا مکمل غیرسرکاری ، غیرحتمی نتیجہ سامنے آگیا، غیر سرکاری و غیر حتمی نتیجے کے مطابق آزاد امیدوارجمشید محی الدین 444 ووٹ لے کر پہلے نمبر پر ہیں جبکہ جمعیت علمائے اسلام ف کے نعیم گل 348 ووٹ لے کر دوسرے نمبر پر رہے۔

اکتالیس کنٹونمنٹ بورڈزکے دو سو پانچ وارڈز میں پندرہ سو انہتر امیدواروں کے درمیان مقابلہ جاری ہے، پریزائیڈنگ افسران گنتی کے بعد پولنگ اسٹیشنز پرنتائج کا اعلان کریں گے۔

تمام پولنگ ایجنٹس اور امیدوار نتیجے کی کاپی پریزائیڈنگ افسروں سے حاصل کریں گے۔

اس خبر پر اپنی رائے کا اظہار کریں

اپنا تبصرہ بھیجیں