وزیراعظم عمران خان نے سری لنکن قیادت کا کورونا سے جاں بحق افراد کی تدفین کی اجازت دینے پر شکریہ ادا کردیا۔
سوشل میڈیا سائٹ ٹوئٹر پر جاری پیغام میں عمران خان نے کہا کہ کورونا سے جاں بحق افراد کی تدفین کی اجازت دینے پر سری لنکن قیادت کا شکرگزار ہوں۔
عمران خان نے کہا کہ سری لنکن حکومت کے سرکاری نوٹی فکیشن کا خیرمقدم کرتا ہوں۔
I thank the Sri Lankan leadership & welcome the Sri Lankan govt's official notification allowing the burial option for those dying of Covid 19.
— Imran Khan (@ImranKhanPTI) February 26, 2021
خیال رہے کہ گزشتہ سال سری لنکن حکومت نے کورونا وائرس کے باعث ہلاک افراد کی لاشوں کو دفنانے پر پابندی لگاتے ہوئے انہیں جلانے کا حکم دیا تھا، سری لنکن حکومت کے مطابق کورونا وائرس سےمتاثرہ افراد کو دفنانے سے زیر زمین پانی گندہ ہوجائے گا۔
عمران خان کے حالیہ دورہ سری لنکا کے بعد سری لنکن حکومت نے کورونا سے جاں بحق افراد کی تدفین کا سرکاری نوٹی فکیشن جاری کردیا ہے۔
