70

کینیڈا: بینک ڈکیتی کی کوشش ناکام، دو ملزمان ہلاک

کینیڈا کے ایک بینک میں ڈکیتی کی کوشش ناکام بنادی گئی، فائرنگ کے تبادلے میں دو ملزمان ہلاک جبکہ چھ پولیس اہلکار زخمی ہوگئے۔

برٹش کولمبیا صوبے کے شہر سانچ میں بینک کے باہر پولیس اور ملزمان کے درمیان فائرنگ کا تبادلہ ہوا۔

پولیس کے مطابق صبح 11 بجے دو مسلح ملزمان کے بینک میں داخل ہونے کی اطلاع ملی۔

ملزمان کے باہر نکلنے پر پولیس نے گھیرا تنگ کیا تو انہوں نے فائرنگ کردی۔

پولیس کی جوابی فائرنگ میں دونوں ملزمان ہلاک ہوگئے، فائرنگ کے تبادلے میں 6 پولیس اہلکار بھی زخمی ہوئے۔

پولیس حکام کا کہنا ہے کہ ملزمان کی گاڑی میں دھماکا خیز مواد موجود ہونے کے باعث جائے وقوعہ کے قریب گھروں اور دکانوں کو خالی کروا لیا گیا۔

اس خبر پر اپنی رائے کا اظہار کریں

اپنا تبصرہ بھیجیں