صوبائی وزیر تعلیم پنجاب مراد راس کی بطور مہمان خصوصی ایجوکیشن ٹیکنالوجی کے حوالے منعقدہ آن لائن اجلاس میں شرکت
اجلاس کا انعقاد انفارمیشن ٹیکنالوجی یونیورسٹی لاہور کی جانب سے کیا گیا
اجلاس سے خطاب کرتے ہوئے صوبائی وزیر تعلیم پنجاب مراد راس نے کہا کہ ٹیکنالوجی کے جامع اور بھرپور استعمال کے بغیر شفافیت کو یقینی بنانا ناممکن ہے- چند سال پہلے تک محکمہ تعلیم پنجاب میں ٹیکنالوجی کا استعمال نہ ہونے کی بدولت آن لائن ویڈیو کانفرنس بھی ممکن نہیں تھا-انھوں نے کہا کہ گزشتہ چند سالوں کے دوران محکمہ تعلیم پنجاب میں ٹیکنالوجی کے حوالے انقلابی تبدیلیاں رونما ہوئی ہیں- محکمہ تعلیم پنجاب میں ٹیکنالوجی کی مدد سے اب تک ایک لاکھ سے زائد اساتذہ کو آن لائن ٹریننگ دی جا چکی ہے-
کرونا وباء کے دوران طلبا کے تعلیمی نقصان کو کم سے کم رکھنے کے لئے آن لائن چینل تعلیم گھر کا قیام عمل میں لایا گیا
مراد راس نے مذید کہا کہ نجی سکولوں کی رجسٹریشن کے لیے آن لائن پورٹل بنایا جس پر اب تک ہزاروں نجی سکول اپنی رجسٹریشن با آسانی کروا چکے ہیں- پاکستان بھر کے بچوں کے لئے ٹیکنالوجی کی مدد سے انصاف اکیڈمی کا قیام عمل میں لایا جا رہا ہے- انصاف اکیڈمی کے قیام سے والدین کو اکیڈمی کلچر سے چھٹکارا ملے گا-
160