جنوبی افریقا سے نسلی امتیاز کا خاتمہ کرنے والے نیلسن منڈیلا کی پوتی نے شہزادہ ہیری اور میگھن مارکل پر شدید تنقید کی ہے۔ نیلسن منڈیلا کی پوتی ندیلیکا منڈیلا نے آسٹریلوی میڈیا سے گفتگو کرتے ہوئے کہا کہ ڈیوک اور ڈچز آف سسیکس نےنیٹ فلکس پر ریلیز ہونے والی دستاویزی فلم میں منڈیلا کا تذکرہ کرکے ان کا مذاق اڑایا ہے۔ اُنہوں نے سوال کیا کہ’دادا کی زندگی کا ان کے ساتھ کیا تعلق ہے؟‘ اُنہوں نے کہا کہ’مجھے یقین نہیں کہ شہزادہ ہیری یا میگھن مارکل نے کبھی دادا سے صحیح طریقے سے ملاقات کی، ہوسکتا ہے اس وقت شہزادہ ہیری بکنگھم پیلس میں موجود ایک نوجوان ہوں، لیکن وہ لوگوں کو اپنی طرف متوجہ کرنے کے لیے نیلسن منڈیلا کے اقوال کا استعمال کررہے ہیں‘۔ اُنہوں نے مزید کہا کہ ’شاہی جوڑا منڈیلا خاندان کو فائدہ پہنچائے بغیر لاکھوں کمانے کے لیے دستاویزی فلم میں میرے دادا کے اقوال کا استعمال کررہا ہے‘۔ ندیلیکا منڈیلا نے کہا کہ’میں جانتی ہوں کہ نیلسن منڈیلا فاؤنڈیشن نے اس اقدام کی حمایت کی ہے لیکن لوگوں برسوں سے دادا کے اقوال چوری کررہے ہیں کیونکہ وہ جانتے ہیں کہ مینڈیلا کا نام بکتا ہے اور ہیری اور میگھن ایسے لوگوں سے مختلف نہیں ہیں‘۔

دنیا کی پہلی ویمن کرکٹر کے مسجمے کی رونمائی کر دی گئی، بلینڈا کلارک دنیا کی پہلی ویمن کرکٹر ہیں، جن کا مسجمہ بنایا گیا ہے۔ آسٹریلوی میڈیا کے مطابق آسٹریلیا کی ویمن کرکٹر بلینڈا کلارک کا مجسمہ سڈنی کرکٹ گراؤنڈ میں سجا دیا گیا ہے۔ سڈنی کرکٹ گراؤنڈ کے احاطے میں معروف شخصیات کے مجسمے سجانے کی روایت ہے، بلینڈا کلارک کا مڈ وکٹ پر جاندار پل شاٹ کھیلتے ہوئے مسجمہ ممبرز گیٹ پر بنایا گیا ہے۔ بلینڈا کلارک کے مجسمے سے کچھ دور رچی بینو اور آسٹیو وا کے مجسمے ہیں، ان کے مجسمے کی رونمائی آسٹریلیا جنوبی افریقا ٹیسٹ میچ کے دوسرے روز کے آغاز سے پہلے ہوئی۔ دنیا کی پہلی ویمن کرکٹر کے مسجمے کی رونمائی کر دی گئی دنیا کی پہلی ویمن کرکٹر کے مسجمے کی رونمائی کر دی گئی میڈیا رپوٹس کے مطابق تقریب میں نیو ساؤتھ ویلز کے پریمیئر سابق اور موجودہ کرکٹرز نے شرکت کی، سڈنی کرکٹ گراؤنڈ میں مجموعی طور اب 12 مجسمے ہو گئے ہیں۔ اس موقع پر بلینڈا کلارک نے کہا کہ اہم شخصیات کے ساتھ اب میرا مجسمہ ہونا حیران کن ہے، شاندار مجسمہ بنایا گیا ہے اور اچھا یہ لگا کہ یہ ممبرز گیٹ پر موجود ہے۔ واضح رہے کہ بلینڈا کلارک نے 12سال آسٹریلوی ویمن کرکٹ ٹیم کی قیادت کی،ون ڈے کرکٹ میں ڈبل سنچری بنانے والی پہلی کرکٹر ہیں، انہوں نے15 ٹیسٹ اور 118ون ڈے میچز کھیلے۔