72

PDM جلسہ، آصفہ بھٹو ملتان پہنچ گئیں

ملتان میں آج اپوزیشن اتحاد پی ڈی ایم کے جلسے میں شرکت کیلئے سابق صدر آصف زرداری اور شہید محترمہ بے نظیر بھٹو کی چھوٹی صاحبزادی آصفہ بھٹو زرداری خصوصی طیارے کے ذریعے ملتان پہنچیں جس کے بعد وہ ایئرپورٹ سے گیلانی ہاؤس پہنچ گئیں۔

تفصیلات کے مطابق آصفہ بھٹو کے استقبال کے لیے پاکستان پیپلز پارٹی کے ایم پی اے علی حیدر گیلانی ملتان ائیرپورٹ پہنچ گئے ہیں۔

اس موقع پر علی حیدر گیلانی نے کہا کہ آصفہ بھٹو کی گیلانی ہاؤس آمد کے بعد ریلی کی شکل میں جلسہ گاہ جائیں گے۔
آصفہ بھٹو کے ملتان ائیر پورٹ پہنچنے پر پی ڈی ایم کارکنان نے آصفہ بھٹو زندہ باد کے نعرے بھی لگائے۔

واضح رہے کہ ملتان پولیس نے قاسم اسٹیڈیم کو ایک بار پھر سے تالے لگا دیے ہیں، اسٹیڈیم سے سیاسی رہنماؤں کے پینا فلیکس اور بینرز بھی اتار دیےگئے ہیں جب کہ چوک گھنٹہ گھر کے اطراف پولیس کی بھاری نفری تعینات کر کے رکاوٹیں کھڑی کر دی گئیں ہیں۔

اس خبر پر اپنی رائے کا اظہار کریں

اپنا تبصرہ بھیجیں