کراچی میں بھوکے ڈاکو بیکری سے نقدی کے علاوہ ڈبل روٹیاں بھی لوٹ کر اپنے ساتھ لے گئے۔
بلدیہ ٹاؤن میں روبی موڑ کے قریب واقعے زاہد سوئیٹس اینڈ بیکری میں ڈکیتی کی واردات کے دوران 3 ڈاکوؤں نے بیکری کے ملازمین کو یرغمال بنا کر لوٹ مار کی۔
ڈکیتی واردات کی سی سی ٹی وی فوٹیج منظر عام پر آگئی، ویڈیو میں مسلح ملزمان کو اسلحے کے زور پر ڈکیتی کی واردات کرتے ہوئے دیکھا جا سکتا ہے۔
ڈاکو کیش کاؤنٹر سے رقم کے ساتھ ساتھ بیکری سے ڈبل روٹیاں بھی لوٹ کر لے گئے، پولیس نے سی سی ٹی وی حاصل کرکے ملزمان کی تلاش شروع کر دی ہے۔
