حکومت پنجاب نے کسانوں کو سولر سسٹم کی تنصیب پر 50فیصد سبسڈی دینے کا اعلان کردیا ہے ۔
وزیرزراعت پنجاب ملک نعمان لنگڑیال نے کہا ہے کہ منصوبے سے ڈیزل ، پانی اور بجلی کی بچت ہوگی۔
انہوں نے مزید کہاکہ سولر سسٹم کی تنصیب سے پیدواری اخراجات کم اور فی ایکٹر پیدوار میں اضافہ ہوگا ۔
نعمان لنگڑیال نے یہ بھی کہاکہ ڈرپ سسٹم کا کپاس کی کاشت کے بارانی علاقوں میں تجربہ کررہے ہیں ۔
ان کا کہنا تھاکہ غیر ہموار زمینوں کےلیے یہ موزوں ترین ٹیکنالوجی ہے ،جس سے آئندہ ہزاروں ایکڑ پرکپاس کی کاشت کرنے کے قابل ہوں گے۔
وزیراعلیٰ پنجاب سردار عثمان بزدار نے 3 ارب68 کروڑ کی لاگت سے 20 ہزار ایکڑ رقبے پر ڈرپ ،اسپرنکلر نظام آبپاشی کےلیے سولر سسٹم کی تنصیب پر 50 فیصد سبسڈی دینے کا فیصلہ کیا ہے۔
