ملک کے مختلف شہروں میں بارش کے ساتھ ژالہ باری بھی ہوئی ہے۔
سیاحتی مقام فورٹ منرو میں شدید ژالہ باری سے سڑکیں اور راستے اولوں سے اٹ گئے۔
راجن پور اور گرد و نواح میں تیز آندھی کے ساتھ موسلادھار بارش ہوئی۔
کوہ سلیمان کے پہاڑی سلسلے میں بھی بارش ہوئی جبکہ جام پور، محمد پور، داجل سمیت کئی علاقوں میں بارش کے ساتھ ژالہ باری بھی دیکھنے میں آئی۔
ادھر آزاد کشمیر میں نکیال اور پلندری سمیت مختلف علاقوں میں گرج چمک کے ساتھ موسلادھار بارش اور ژالہ باری ہوئی ہے۔
