رپورٹ: رخسانہ سحر اسلام آباد
گزشتہ رات جلالپور جٹاں میں ایک خوبصورت محفل مشاعرہ اور کتاب کی تقریب رونمائی کا انعقاد کیا گیا، جسے ادبی حلقوں میں بھرپور پذیرائی حاصل ہوئی۔ تقریب کی صدارت سرگودھا تشریف لانے والے معروف شاعر اور ادیب افضل گوہر نے کی، جبکہ میزبان کی حیثیت سے احسان گھمن نے تقریب کا باقاعدہ انتظام سنبھالا۔
تقریب کا خاص موقف ارشد شاہین کی کتاب “چلو کچھ بات کرتے ہیں” کی رونمائی تھی، جسے ادبی شائقین اور شعراء کی موجودگی میں متعارف کرایا گیا۔ تقریب میں ملک کے مختلف شہروں سے شعراء اور ادبی شخصیات نے شرکت کی اور اپنی غزلیں و نظمیں سنائیں اور خوب داد سمیٹی جس سے محفل میں ایک ادبی روحانی ماحول قائم ہو گیا۔
شرکاء نے کتاب کے موضوعات، اسلوب اور شاعر کی فکری گہرائی پر اپنے خیالات کا اظہار کیا۔ افضل گوہر نے اپنے خطاب میں کتاب اور ادبی محافل کی اہمیت پر زور دیا اور کہا کہ اس طرح کے ایونٹس نوجوان شعراء اور ادیبوں کے لیے حوصلہ افزا ہیں۔
میزبان احسان گھمن نے شرکت کرنے والے مہمانوں اور شعراء کا شکریہ ادا کیا اور کہا کہ ادبی محافل معاشرتی شعور کو فروغ دینے اور ادب کے حقیقی رنگ کو اجاگر کرنے میں اہم کردار ادا کرتی ہیں۔
تقریب کے اختتام پر شرکاء نے باہمی گفتگو، کتاب پر تبصرے اور شعراء کی حوصلہ افزائی کرتے ہوئے محفل کو یادگار بنایا۔
230
