فیفا ورلڈ کپ 2026ء کے فائنل میں اسپین نے ارجنٹینا کو شکست دے کر عالمی چیمپئن کا اعزاز حاصل کر لیا جبکہ ارجنٹینا کے کپتان لیونل میسی اپنی ممکنہ آخری ورلڈ کپ مہم کا اختتام شکست کے ساتھ کرنے پر آبدیدہ ہو گئے۔
39 سالہ میسی پورے ٹورنامنٹ میں ارجنٹینا کے سب سے نمایاں کھلاڑی رہے تاہم فائنل میں اسپین کی مضبوط دفاعی اور جارحانہ حکمتِ عملی کے سامنے مؤثر کردار ادا نہ کر سکے۔
میچ کے بعد رنرز اپ کا تمغہ وصول کرتے وقت میسی اپنے جذبات پر قابو نہ رکھ سکے اور ان کی آنکھوں سے آنسو بہہ نکلے۔
واضح رہے کہ اگلا ورلڈ کپ ہونے تک ان کی عمر 43 سال ہو گی جس کے باعث ان کی آئندہ عالمی کپ میں شرکت پر سوالات اٹھنے لگے ہیں۔
