نیپال میں موجود دنیا کی بلند ترین چوٹی ماؤنٹ ایورسٹ کے بیس کیمپ میں نارویجین کوہ پیما میں کورونا وائرس کی تصدیق ہو گئی۔
ماؤنٹ ایورسٹ کے بیس کیمپ میں موجود کورونا پازیٹو نارویجین کوہ پیما ارلینڈ نیس Erlend Ness کو بذریعہ ہیلی کاپٹر کٹھمنڈو کے اسپتال پہنچا دیا گیا۔
ان کا کہنا ہے کہ ان کا 15 اپریل کو کورونا وائرس کا ٹیسٹ مثبت آیا تھا جب کہ جمعرات کو ایک اور ٹیسٹ ہوا ہے جو نیگیٹو آ گیا ہے۔
فرنچ ماؤنٹین گائیڈ کا کہنا ہے کہ بیس کیمپ میں سب کو چیک نہ کیا گیا تو کورونا وائر س دیگر کوہ پیماؤں، گائیڈز اور ہیلپرز میں بھی پھیل سکتا ہے۔
انہوں نے زور دیا کہ کورونا وائرس کے پھیلاؤ کو روکنے کے حوالے سے فوری احتیاطی تدابیر اختیار کرنے کی ضرورت ہے۔
دوسری جانب نیپالی ماؤنٹیرنگ آفیشل نے کورونا وائرس کے ایکٹیو کیس کی تردید کی ہے۔
