138

ملتان سلطانز نے لاہور قلندرز کو 80 رنز سے ہرادیا

پاکستان سپر لیگ کے 28 ویں میچ میں ملتان سلطانز نے بآسانی لاہور قلندرز کو ہرا دیا۔

ابوظبی میں 170 رنز کے ہدف کا تعاقب کرتے ہوئے لاہور قلندرز کی پوری ٹیم 15.1 اوورز میں 89 رنز پر آؤٹ ہوگئی۔

لاہور قلندرز کے اوپنرز اور مڈل آرڈر میں کوئی بھی بیٹسمین اچھی بیٹنگ نہ کرسکا۔ سب سے زیادہ 22 رنز جیمز فولکنر نے بنائے۔ محمد حفیظ 14 اور فخر زمان 13 رنز بناسکے۔

ملتان کے شاہنواز دھانی نے 4 اور عمران خان نے 3 وکٹیں حاصل کیں۔

اس سے قبل لاہور قلندرز نے ٹاس جیت کر فیلڈنگ کا فیصلہ کیا تھا۔ جس پر ملتان سلطانز نے مقررہ 20 اوورز میں 8 وکٹ پر 169 رنز بنائے تھے۔

ملتان سلطانز کے صہیب مقصود 60 اور رئیلی روسو 29 رنز بنا کر نمایاں رہے تھے، جبکہ لاہور قلندرز کے شاہین شاہ آفریدی نے 3 اور جیمز فولکنر نے 2 کھلاڑیوں کو آؤٹ کیا تھا۔

اس خبر پر اپنی رائے کا اظہار کریں

اپنا تبصرہ بھیجیں