کینیا میں قتل کیے گئے سینئر صحافی و اینکر ارشد شریف کی میت آج رات اسلام آباد پہنچے گی۔
دفترِ خارجہ کے ترجمان کے مطابق ارشد شریف کی میت گزشتہ شب سوا 1 بجے نیروبی سے دوحہ روانہ کی گئی تھی۔
ترجمان دفترِ خارجہ نے بتایا ہے کہ ارشد شریف کی میت دوحہ سے آج شام 7 بج کر 35 منٹ پر پاکستان روانہ کی جائے گی۔
ترجمان دفترِ خارجہ کا یہ بھی کہنا ہے کہ کینیا میں پاکستانی ہائی کمشنر سیدہ ثقلین نے گزشتہ شب انتظامات کا جائزہ لے کر مقتول صحافی ارشد شریف کی میت نیروبی سے روانہ کی تھی۔
