مسلم لیگ ن کی چیف آرگنائزر مریم نواز نے کہا ہے کہ فتنہ آج مزدوروں کے نام پر ریلیاں نکال رہا ہے، تم سازشوں سے اقتدار کے راستے بنانا بند کرو مزدور کے حالات ٹھیک ہوجائیں گے۔
مریم نواز نے مزدوروں کے عالمی دن کے موقع پر لاہور میں کنونشن سے خطاب میں کہا کہ آج دو روپے کی روٹی 25 روپے کی ہے تو کس کو الزام دینا ہے؟ صرف خان ذمے دار نہیں ہے پورا گینگ ذمے دار ہے، چاہے وہ ثاقب نثار ہوں یا فیض حمید سب اس گینگ کا حصہ تھے۔
مریم نواز کا کہنا ہے کہ وزیرِ اعظم نے مشکل حالات کے باوجود کم از کم اجرت 35 ہزار مقرر کی، مزدور کی کم از کم اجرت 40 ہزار روپے ہونی چاہیے۔
ن لیگی رہنما نے کہا کہ 2017ء تک پاکستان کامیاب ترین معیشتوں میں شامل تھا۔
81
