جی فائیو نے اپنی 18ویں سالگرہ کے موقع پر نئے اسمارٹ فون برانڈ ‘ایزی اسمارٹ’ کا اجرا کر دیا
جی فائیو نے گزشتہ روز اپنی 18ویں سالگرہ ایک خصوصی تقریب کے ساتھ منائی، جس میں تقریباً دو دہائیوں پر محیط معیاری اور سستی موبائل ٹیکنالوجی کی فراہمی کا جشن منایا گیا۔ اس تقریب کی خاص بات جی فائیو کے نئے اسمارٹ فون برانڈ “ایزی اسمارٹ” کا باقاعدہ اجرا تھا، جو آج کے صارفین کے لیے سادہ، ذہین اور قابلِ بھروسہ ڈیوائسز فراہم کرنے پر مرکوز ہے۔
ایز ی سمارٹ جی فائیو کے لیے ایک نئے سفر کا آغاز ہے — ایسا برانڈ جو استعمال میں آسانی اور جدید فیچرز کو یکجا کرتا ہے تاکہ روزمرہ کے صارفین کی ضروریات کو بہتر طور پر پورا کیا جا سکے۔ اس موقع پر، جی فائیو نے اس بات کا اعادہ بھی کیا کہ وہ اپنے مرکزی برانڈ کے تحت معیاری اسمارٹ فونز کی فراہمی جاری رکھے گا، تاکہ صارفین کو مزید انتخاب اور جدت فراہم کی جا سکے۔
> جی فائیو کے صدر، میاں عبدالرّحمن نے کہا:
“یہ سنگِ میل صرف ہمارے ماضی کا جشن نہیں، بلکہ ایک روشن مستقبل کی نوید ہے۔ ایزی اسمارٹ ہماری یہ یقین دہانی ہے کہ اسمارٹ ٹیکنالوجی ہر فرد کے لیے قابلِ رسائی ہو۔”
جی فائیو کے بارے میں:
2007 میں قائم ہونے والا جی فائیو ایک معتبر نام ہے جو ابھرتی ہوئی مارکیٹوں میں معیاری اور کم قیمت موبائل ڈیوائسز فراہم کرنے کے لیے جانا جاتا ہے۔
