وزیر اعظم عمران خان آج ایک روزہ دورے پر تھرپارکر پہنچ رہے ہیں جہاں وہ چھاچھرو میں جلسہ سے خطاب کریں گے جس کی تیاریاں مکمل کر لی گئی ہیں ۔
محرومیوں کے دیس تھرپارکر میں آج دوپہر کو وزیر اعظم عمران خان پہنچ رہے ہیں وہ خصوصی طیارے کے سے مائی بختاور ائیرپورٹ پہنچیں گے جہاں سے ہیلی کاپٹر کے ذریعے چھاچھرو جائیں گے ۔
وزیر اعظم عمران خان چھاچھروکے ایک کرکٹ اسٹیڈیم میں جلسہ سے خطاب کریں گے انکی آمد کے حوالے سے علاقہ مکینوں نے امیدیں وابستہ کر رکھی ہیں۔
تھر میں پانی کے بعد سب سے بڑامسئلہ صحت کا ہے اور توقع کی جا رہی ہے کہ وزیر اعظم کل تھر میں ہیلتھ کارڈ پالیسی کا اجرا کریں گے جبکہ علاقہ مکینوں کو تھر پیکیج کے اعلان کی بھی امید ہے۔
جلسہ میں وفاقی وزیر خارجہ شاہ محمود قریشی، دیگر وفاقی وزراء، سرکاری افسران اورپی ٹی آئی سندھ کے عہدیداران اور اراکین اسمبلی بھی شرکت کریں گے۔
