اسلام آباد ہائی کورٹ نے پیپلز پارٹی کی قیادت کے خلاف امریکی خاتون سنتھیا ڈی رچی کے ٹویٹس کے معاملے میں ویزا قواعد کی خلاف ورزی پر سنتھیا رچی کے خلاف کارروائی کی درخواست پر نوٹس جاری کرتے ہوئے وزارتِ داخلہ سے جواب طلب کر لیا۔
اسلام آباد ہائی کورٹ کے چیف جسٹس اطہر من اللّٰہ نے کیس کی سماعت کرتے ہوئے وزارتِ داخلہ سے 3 جولائی تک جواب طلب کیا ہے۔
عدالتِ عالیہ نے متفرق درخواست کو سنتھیا رچی کو ڈی پورٹ کرنے کی مرکزی درخواست کے ساتھ مقرر کرنے کی ہدایت کر دی۔
