نگراں وزیرِ اعظم انوارالحق کاکڑ نے پیٹرولیم مصنوعات اور افغان ٹرانزٹ ٹریڈ کی آڑ میں اسمگلنگ کا نوٹس لے لیا۔
ذرائع کے مطابق نگراں وزیرِ اعظم انوارالحق کاکڑ نے اسمگلنگ کی روک تھام کے لیے آج اجلاس طلب کر لیا۔
نگراں وزیرِ اعظم انوارالحق کاکڑ کی جانب سے وزارتِ خزانہ، تجارت، پیٹرولیم اور ایف بی آر حکام کو اجلاس کے لیے طلب کیا گیا ہے۔
ذرائع کا کہنا ہے کہ ٹرانزٹ ٹریڈ اور پیٹرولیم مصنوعات کی اسمگلنگ سے سالانہ 300 ارب روپے کا نقصان ہو رہا ہے۔
ٹرانزٹ ٹریڈ کے تحت درآمد کی گئی بیشتر مصنوعات پاکستان میں ہی فروخت کی جا رہی ہیں۔
پیٹرولیم مصنوعات کی اسمگلنگ سے خزانے اور آئل مارکیٹنگ کمپنیوں کو نقصان پہنچ رہا ہے۔
