قومی ایئر لائن پی آئی اے نے بن بتائے چھٹی کرنے والے کیبن کریو کے خلاف لاجواب کارروائی کا آغاز کردیا ہے، اس سلسلے میں 54 ملازمین کو ایک سے ڈیڑھ سال بعد شو کاز نوٹس جاری کردیئے گئے ہیں۔
شوکاز نوٹس کراچی، اسلام آباد اور لاہور سمیت دیگر ایئر پورٹس پر بتائے بغیر چھٹی کرنے والے ملازمین کو جاری کئے گئے ہیں۔
پی آئی اے ذرائع کے مطابق منیجر سروس فلائٹ آپریشن کو کارروائی کا خیال ایک سے ڈیڑھ سال بعد آیا ہے، پی آئی اے کی تاریخ میں پہلی بار اتنی تاخیر سے کارروائی کی جارہی ہے، اتنے عرصے بعد شو کاز نوٹس ملنے پر کیبن کریو بھی پریشان ہیں۔
