پاکستان کے آل راؤنڈر شاہد آفریدی نے پلواما حملے کے بعد بھارتی الزامات کے جواب میں وزیر اعظم عمران خان کے جامع بیان کی حمایت کردی ہے۔
شاہد افریدی نے ٹوئٹر پیغام میں وزیر اعظم کے بیان کی ویڈیو شیئر کی ہے جس ساتھ ’’قطعی شفاف اور واضح‘‘ تحریر کیا ہے۔
وزیراعظم عمران خان اپنے بیان پلواما حملے کی تحقیقات کی پیشکش کرتے ہوئے کہا تھا کہ بھارت ایکشن کے قابل انٹیلی جنس معلومات دے ہم کارروائی کریں گے۔
وزیراعظم نے قوم سے خطاب میں واضح کیا کہ یہ نیا پاکستان اور نیا مائنڈ سیٹ ہے، ہم استحکام چاہتے ہیں، بھارتی حکومت کو پلوامہ واقعے کی تحقیقات کی پیشکش کرتا ہوں، پاکستان پلوامہ واقعے کی تحقیقات کرانے کو تیار ہے۔
