مانسہرہ شہر کے علاقے ناڑی محلہ میں نامعلوم افراد نے خواجہ سرا کو گھر میں گھس کر قتل کردیا۔
ایبٹ آباد کا رہائشی خواجہ سرا فرحان عرف ہنی ناڑی محلہ میں کرائے کے گھر میں مقیم تھا کہ نامعلوم افراد نے گھر میں گھس کر فائرنگ کر دی جس کے نتیجے میں ہنی موقع پر ہی جاں بحق ہو گیا۔
محلے داروں کی اطلاع پر پولیس موقع پر پہنچی اور گولیوں کے خول اور دیگر ضروری شواہد اکٹھے کرکے خواجہ سرا کی لاش کو پوسٹ مارٹم کے لیے ڈسٹرک ہیڈ کوارٹر اسپتال مانسہرہ منتقل کر دیا۔
