وزیراعلیٰ پنجاب مریم نواز شریف نے سانحہ سوات میں سیالکوٹ کے ایک ہی خاندان کے متعدد افراد کی جانوں کے ضیاع پر شدید دکھ اور افسوس کا اظہار کیاہے-وزیر اعلی مریم نواز شریف نے لواحقین سے دلی ہمدردی و تعزیت کا اظہار کیا اور کہاکہ سانحہ سوات دل دہلا دینے والا واقعہ ہے بروقت مدد ملتی تو قیمتی جانیں بچ سکتی تھیں -وزیراعلی مریم نوازشریف نے کہاکہ غمزدہ خاندان کو تنہا نہیں چھوڑیں گے انکے ساتھ کھڑی ہوں -اللہ تعالیٰ مرحومین کو جوار رحمت میں جگہ دے اور لواحقین کو صبر عطا فرمائے– پنجاب بھر کے سیاحتی مقامات پر انتظامیہ اور ریسکیو سروسز کو مزید متحرک کر دیا گیا ہے- وزیراعلی مریم نواز شریف نے کہاکہ حالیہ بارشوں کے پیش نظر پنجاب بھر کی ضلعی انتظامیہ،ریسکیو 1122 اور پی ڈی ایم اے مزید الرٹ رہیں -ریسکیو و ریلیف آپریشنز میں ذرا سی بھی غفلت برداشت نہیں کی جائے گی-
٭٭٭٭
189
