کسی گھرانے میں ایک سے زائد افراد ایک ہی پیشے سے وابستہ ہوں تو اکثر اوقات مقابلے کی فضا پروان چڑھتی ہے، جس کے اپنے فائدے اور نقصانات ہوتے ہیں۔ ایسا ہی معاملہ آشا بھوسلے کا تھا۔ ان کا پورا خاندان موسیقی کے رنگ میں رنگا ہوا تھا۔ ایک سنگِ میل سر کرنے کی خواہش ہمیشہ آشا کے دل میں مچلتی رہی، اور وہ تھیں ان کی بڑی بہن لتا منگیشکر۔
آشا بھوسلے کے بیٹے آنند بھوسلے نے ممبئی میں صحافیوں سے گفتگو میں کہا: ’میری والدہ آج انتقال کر گئیں۔ لوگ کل صبح 11 بجے کاسا گرانڈے، لوئر پریل میں ان کے گھر آ کر ان کی آخری دیدار کر سکتے ہیں۔ ان کی آخری رسومات کل شام چار بجے شیواجی پارک میں ادا کی جائیں گی۔‘
ٹائمز آف انڈیا کے مطابق گلوکارہ کافی دنوں سے بیمار تھیں اور ممبئی کے بریچ کینڈی ہسپتال میں داخل تھیں، جہاں وہ اتوار کے روز انتقال کر گئیں۔
