بھارتی اداکاراور سیاستداں کمل ہاسن نے بھارتی حکومت سے مقبوضہ کشمیر میں استصواب رائےکرانے کا مطالبہ کردیا
ریاست تامل ناڈو میں ایک تقریب سے خطاب کرتے ہوئے ان کا کہنا تھا کہ بھارت کو آخرکس بات کا خوف ہے، وہ کشمیر میں استصواب رائے کیوں نہیں کراتا؟
کمل ہاسن نے مزید کہا کہ افسوس ہوتا ہے جب لوگ کہتے ہیں کہ فوجی کشمیر میں مرنے کے لیے جا رہے ہیں، سیاستدان درست رویہ اپنائیں تو کوئی فوجی نہیں مرے گا۔
کمل ہاسن کو مقبوضہ کشمیر میں استصواب رائے کے اس بیان پر بھارت میں شدید تنقید کا سامنا ہے۔
بعد میں سوشل میڈیا پر ان کی جماعت کی طرف سے یہ وضاحت دی گئی کہ کمل ہاسن کے بیان کو سیاق و سباق سے ہٹ کر توڑموڑ کر پیش کیا گیا، جس کی وہ مذمت کرتے ہیں۔
بیان میں یہ بھی کہا گیا کہ پارٹی کے صدر کمل ہاسن اور ان کی پارٹی مسلح افواج کے غم میں شانہ بشانہ کھڑی ہے۔
