وزیراعظم عمران خان نے کراچی طیارہ حادثے کی فوری تحقیقات کا حکم دیتے ہوئے کمیٹی تشکیل دینے کی منظوری دیدی ہے۔
وزیر اعظم نے تحریری حکم نامے میں ہدایت کی ہے کہ تحقیقاتی کمیٹی فوری طور پر بلا تاخیر تحقیقاتی عمل کا آغاز کرے۔
انہوں نے کہا کہ تحقیقات کے لئے وفاقی حکومت کی باضابطہ منظوری کا انتظار نہ کیا جائے۔
وزیر اعظم آفس کی جانب سے تحریری ہدایات سیکریٹری ایوی ایشن اور دیگر متعلقہ اداروں کو بھجوا دی گئی ہیں۔
واضح رہے کہ گزشتہ روز مسافروں کو لاہور سے کراچی لانے والا پی آئی اے کا طیارہ کراچی ایئر پورٹ پر لینڈنگ سے چند لمحے پہلے حادثے کا شکار ہوا، جس کے نتیجے میں 96؍ افراد جاں بحق ہوگئے۔
