بین الاقوامی پروازوں کیلئے فضائی حدود کو جزوی کھول رہے ہیں: وزیراعظم

وزیراعظم عمران خان نے کہا ہے کہ بین الاقوامی پروازوں کیلئے فضائی حدود کو جزوی کھول رہے ہیں، کورونا کے باعث سمندر پار پاکستانیوں نے زیادہ مشکلات برداشت کیں۔

I appreciate the philanthropic role played by the Overseas Pakistani community in helping their brothers & sisters abroad during Covid19. There are many examples where the Pakistani community has been a source of inspiration, helping those around in need.

— Imran Khan (@ImranKhanPTI) June 20, 2020

وزیراعظم نے سماجی رابطے کی ویب سائٹ پر ٹویٹ کرتے ہوئے کہا فضائی حدود کھولنے کا مقصد بیرون ملک پھنسے پاکستانیوں کو واپسی کی سہولت دینا ہے، وبا کے دوران سمندر پار پاکستانیوں نے سب سے زیادہ مشکلات برداشت کیں، سمندر پار پاکستانیوں کی ہمت اور حوصلے پر ہمیں فخر ہے، وطن واپس آنے والے پاکستانیوں کو خوش آمدید کہتے ہیں۔

عمران خان کا کہنا تھا سمندر پار پاکستانیوں کو واپسی پر ہر قسم کی سہولت فراہم کریں گے، سمندر پار مخیر پاکستانیوں کی جانب سے ہم وطنوں کی مدد پر ان کا شکر گزار ہوں، وبا کے دوران دیارغیر میں مشکلات کا شکار پاکستانیوں کی مدد قابل ستائش ہے۔