پاکستان میوزک انڈسٹری کے معروف گلوکار عاصم اظہر نے گزشتہ دنوں اپنا نیا گانا ’’حبیبی ‘‘ ریلیز کیا۔ مداحوں کی جانب سے ان کے اس گانے کو خوب پذیرائی مل رہی ہے۔ صرف اتنا ہی نہیں ان کے مداحوں کی فہرست میں پڑوسی ملک کے گلوگار بادشاہ کا نام بھی شامل ہو گیا ہے۔
فوٹو اینڈ ویڈیو شیئرنگ ایپ انسٹا گرام پر گلوکار عاصم اظہر نے اسٹوری شیئر کی، جس میں انہوں نے پڑوسی ملک کے گلوکار کے ہمراہ ہونے والی گفتگو کا اسکرین شاٹ شیئر کیا۔
اسکرین شاٹ کے مطابق گلوکار عاصم اظہر کے گانے حبیبی کی دھوم پڑوسی ملک بھی جاپہنچی۔ بھارتی گلوکار اور ریپر آدتیہ پرتیک سنگھ سسودیا عرف بادشاہ بھی عاصم کے نئے گانے اور اس کی موسیقی پر داد دیئے بنا نہ رہ سکے۔
گلوکار عاصم اظہر کے گانے کی دھوم پڑوسی ملک بھی جا پہنچی
واضح رہے کہ ویڈیو شیئر سائٹ یوٹیوب پر گزشتہ دنوں ریلیز ہونے والے عاصم اظہر کے گانے حبیبی نے چند گھنٹوں میں ہی دھوم مچادی۔ اس گانے کو ریلیز کے چند گھنٹوں بعد ہی لاکھوں ویوز حاصل ہوگئے تھے جبکہ اب تک ان کی اس ویڈیو پر دو ملین سے زائد ویوز ہیں
